Saterdag 30 Augustus 2025 vier ons fees ten bate van Bybelverspreiding (Bybelgenootskap van Suid-Afrika)!

Ons slaan gazebo's ("hokke") oor die hele grasperk op en braai lekker as gemeente/ gemeenskap saam!

Program:
15:30 Bybelstap (5 km stap/ fietsry vir die kleiner kinders)
16:30 Voorgereg (heerlike hoenderworsies)
17:30 Hoofgereg - 'n halwe hoender per volwassene en 'n dytjie per kind
18:30 Nagereg (koeksisters en koffie)

Kostes:
R150 per volwassene en R80 per kind. Kaartjies kan slegs by die gashaan/ -hen van elke hok gekoop word (nie by die kerkkantoor nie). Lys van gashane/ -henne sal binnekort bekendgemaak word.

Gashaan (-heer)/ Gashen (-vrou)
Word op 5 Augustus bekend gemaak. Intussen wil ons jou vra of jy nie graag met hierdie fees wil help deur as gashaan of -hen op te tree en 'n "hoenderhok" (gazebo) onder jou vlerk te neem nie. Ons hou slegs een vergadering voor die tyd wat op Dinsdagaand 5 Augustus om 18:30-19:30 in die Blousaal gehou sal word. 'n Gashaan/ -hen tree op soos 'n gasheer/ gasvrou in die hoenderhok. Hy/sy verkoop die kaartjies aan mense wat by hulle in die “hoenderhok” (by hulle onder die Gazebo) kom sit. Elke hok het ‘n nommer wat op die kaartjie geskryf word om die mense te herinner. Hulle sorg dan ook vir die benodighede in die hok. Hulle help sover moontlik met die voorbereiding van die hoenders op Donderdag 28 Augustus wat onder “hulp” omskryf word.
Indien jy graag wil help om as gasheer of -hen op te tree, kontak asseblief vir Christo Scheepers by
082 339 6996.

Benodigehede vir hok:

• Houer vir broodjies
• Botter (opsioneel)
• Skêr om hoender te sny (asook handskoene)
• Opskeplepels
• Koffie, tee, melk en suiker (opsioneel)
• Gasstoof en ketel vir kookwater (opsioneel) – daar sal 'n gemeenskaplike ketel (‘urn’) beskikbaar wees waar jy slegs die warm water met flesse kan verkry (dit sal in die ingang na die Artos- en Oinossaal geplaas word.) Daar is ook elektrisiteit beskikbaar wat jy met verlengkoorde kan aanlê.
• Toeknyp-rooster (braai van voorgereg)
• Hout – beskikbaar vir geselsvuur
• Gazebo
• Moedig jou gaste aan om ‘n bak of houer te bring vir die oorskiet hoender.

Bestandele:
Worsies en koeksisters moet asb. Donderdag 28 Augustus 2025 tydens verwerking van die hoenders vanaf 15:00 afgehaal word.

Hulp:
Die gashaan/ -hen moet asb. kom help met die bewerking van die hoenders op Donderdag 28 Augustus 2025 vanaf 15:00 tot wanneer afgehandel.

BELANGRIK - op die dag van die fees:

• Hou asb. “kuikens” (kinders) weg van die braaiers nadat die hoenders afgehaal is. Daar word dromme vir elke “hok” voorsien waarin slegs vuur gemaak mag word.
• Alle geselsvure moet asb. geblus word voordat die gashen en gashaan die hok ontruim
• 'n Brandblusser sal baie handig wees indien u moontlik een het.
• Alle voertuie moet vanaf 13:00 van die braai / kuier-area af verwyder wees.
• Onthou slegs betaalde gaste (volwassenes en kinders) kry voorgereg, hoofgereg en nagereg.

Algemeen:
Kom ons geniet die dag en ondersteun mekaar in ons verskillende take. Baie dankie dat ons op julle kan staatmaak.

Inbetaling van hok-gelde (kontant) moet asb. so spoedig moontlik gedoen word. Die laaste inbetalings en getalle moet asb. voor of op Maandag 25 Augustus 2025 gedoen word (tye 16:00 tot 18:30) by die kerk.

Mense kan ook NG Elarduspark self EFT om betalings te vergemaklik, maar dan moet hulle die bewys van betaling na die spesifieke gasheer/ -vrou  aanstuur. Hierdie bewys van betalings/ kontant moet teen 25 Augustus ingedien word om die finale getalle te bepaal. Die verwysing van die EFT betaling moet wees: bv. “Naam + HOK 14”.

Kaartjies moet Maandag 25 Augustus reeds gekoop en betaal wees by jou gashaan of -hen.

Onthou om jou eie stoel / piekniek kombers, eetgerei (beker vir koffie en drinkglas ook) en drinkgoed saam te bring.